Facal-toisich
Is Feàrna an t-ainm air obair chunbhalach ann am Muile ag amas air tuigse a neartachadh agus dàimhean a lorg eadar Gàidheil agus daoine le dualchas eile a tha a’ fuireach air an eilean.
Le Gàidheil, tha sinn a’ ciallachadh cuideachd daoine aig nach eil a’ Ghàidhlig an-diugh ach aig a bheil sinnsearan aig an robh i, agus aig a bheil fhathast eòlas cultarach agus sealladh sònraichte – dòighean smaoineachaidh, seallaidhean, cleachdaidhean agus gnàthasan.
Thàinig Feàrna bho aithneachadh nach eil daoine gu tric a’ tuigsinn, no fiù ’s a’ faicinn, an cultar Gàidhlig nas fharsainn seo, agus air sàilleibh sin, dh’fhaodadh Gàidheil a bhith air an cur air iomall agus sin a’ cur ri crìonadh a’ chultair.
Tha an obair ag amas air a’ chothrom a cheartachadh, le bhith a’ roinneadh eòlas, a’ neartachadh dàimhean agus a’ lorg dòighean nas fhosgailte gus obrachadh le ar coimhearsnachdan eadar-mheasgte.
Rannsaich Feàrna
Tha an làrach-lìn seo na àite airson sgaoileadh cuid de na rudan a tha sinn air a bhith a’ rannsachadh thuige seo. Tha e cuideachd na chuireadh bhlàth do dhaoine eile a tha a’ beachdachadh air na ceistean seo – ann am Muile no an àitichean eile – gus an rannsachadh còmhla rinn.
Bun-bheachdan Gàidhlig
Seo liosta de bhriathran is bun-bheachdan Gàidhlig – aithnichte do chuid, neo-aithnichte do chuid eile – a tha air a bhith feumail dhuinn ’s sinn ris an obair seo.
Ceistean
Seo liosta de chuid de na ceistean a tha sinn air a bhith a’ faighneachd tron obair seo, air an cruinneachadh bho na daoine an sàs. (Tha na freagairtean fhathast ri thighinn.)
Stòras
Seo liosta de leabhraichean, pod-craolaidhean, altan is eile a thug brosnachadh agus dlùth-chomann dhuinn is sinn a’ rannsachadh nan cuspairean seo.
